PLAN DE CONTINGENCIA

PLAN DE CONTINGENCIA

BATXILERREKO ARGAZKINTZA TALDEKO IKASLEEN LANA

GARBIÑE UBEDA IDAZLEA IKASTETXEAN

Garbiñe Ubeda idazlearen bisita jaso dugu ikastetxean.

Ikasleek Sasieskola liburua irakurri dute 3. mailan eta ondotik, idazlearekin hitz egiteko aukera paregabea izan dute!

 

RIFEN ZENBAKI SARIDUNA

1. Batxilergoko ikasleen ikasketa bidairako saldutako rifen zenbaki sariduna honako hau izan da:

0392

Irabazlea institutuko idazkaritzara hurbildu dadila saridun rifa ziurtatzeko eta saria jasotzeko.

Urtarrilaren 17a baino lehen ez bada irabazlerik agertzen, beste zozketa bat egingo da.

Zorionak eta mila esker zuen laguntzagatik!

 

ZORIONAK ETA URTE BERRI ON!!

Eguberri On eta 2020 urte zoriontsua opa dizuegu

Euskararen eguna

Abenduaren 3an, Euskararen Nazioarteko Eguna ospatu genuen Talaia institutuan.

Ekintza xumea egin genuen, 20 minutukoa. 

Ikasleei post-it bana banatu eta galdera bat egin genien, mailaka. Post-it horretan beraien erantzuna idatzi zuten, bakarka. Gero, patiora joan ginen eta Euskara Batzordeko ikasleek prestatu zuten zuhaitzean talde bakoitzak zegokion lekuan jarri zituen bere post-ita eta denon artean zuhaitz hostodun ederra sortu genuen. 

Galdera hauek egin genizkien ikasleei: 

  1. 1. maila: ZEIN KONPROMISO HARTZEN DUT EUSKARAREKIKO?
  2. 2. maila: NOREKIN EGITEN DUZU BETI EUSKARAZ?
  3. 3. maila: ZERGATIK EZ DUZU EUSKARAZ EGITEN?
  4. 4. maila: ZER SENTITZEN DUZU EUSKARAK HONDARRIBIAN DUEN EGOERAREKIKO? 

       Batxillergoa: ZERGATIK USTE DUZU GAZTEEK EZ DUZUELA EUSKARAZ EGITEN? 

Ekintza xume honekin ikasleek euskarari buruzko hausnarketa egitera animatu genituen eta euskararekiko dituzten bizipen, sentipen eta iritziak ezagutu nahi izan genituen. 

 

 

PLANETARIO ERAMANGARRIA TALAIAN

Azaroak 5ean DBHko 1. mailako ikasleek planetario saioaz gozatu zuten. Esperientzia berria guztiontzat!

 

SURF SAIOA HENDAIAN

Urriaren 18 eta 21ean DBH 1. mailako Gorputz Hezkuntzako ikasleek Surf saioa egin dute Hendaian. Ura hotza egonda ere primeran pasa zuten!

DBH 1.MAILAKO IKASLEAK EUSKAL GIROTZE BARNETEGIETAN

Aurten ikasturtea hastearekin batera DBH1 mailako ikasleak Euskal Girotze Barnetegira joan ziren irailan. Barnetegi hauetan ikasleek elkar hobe ezagutzeaz gain, jarduera eta jolasen bidez Euskara erabiltzeko joera landu zuten, eta balorazio oso positiboa egin dute handik itzulitakoan.

Irudiek ondo erakusten dute zein ondo pasa zuten!

1.C taldea Barriako Euskal Girotze Barnetegia

   


1.D taldea Elgoibarko Euskal Girotze Barnetegia

 
 

1.A, 1.B eta 1.E taldeak Lesakako aterpetxean

AURTENGOAN ERE JAIZKIBEL AMEZTUKO DUGU!

Joan den ikasturtean martxan jarri genuen Ameztu Jaizkibel proiektuari jarraipena emango diogu eta lehen urratsa eman dugu!

Urriaren 11n, ostiralean, 4. Dbhko Zientzia Aplikatuetako ikasleak eta 2. Dbhko Ingurumen-zientzien Tailerreko ikasleak ametzaren ezkurren bila joan ginen.  Bertan, Gipuzkoako  Foru Aldundiko bi basozain egon ziren gurekin  eta ametzak Jaizkibelen duen egoeraz, kontserbatzearen eta basoberritzearen garrantziaz hitz egin ziguten. Ondoren, ametza eta haritz kanduduna bereizteko hainbat pista eman zizkiguten eta jarraian, bakoitzaren ezkurrak bildu genituen.

Orain ikastetxean emango ditugu hurrengo pausoak! Ezkurrak ernarazi egingo ditugu!
 

 

TALAIA BHIko I. IPUIN LEHIAKETA

Ikasturtea bukatu aurretik, aurten gure ikastetxean lehen aldiz egin den ipuin lehiaketaren sari banaketa egin genuen ekainaren 14ean.
Epaimahaia Maite Darcelesek (idazlea), Yoseba Peñak (idazlea) eta Maialen Iantzik (irakaslea) osatu zuten. 
Kategoria bakoitzerako sari nagusia ebook bana izan da, eta irabazleak hauek:
A kategorian (1. zikloa) Unax Goena "Ezta?" ipuinarekin.
B kategorian (2. zikloa) Uxue Iridoy "Garatu" ipuinarekin.
Ikasle idazleek, beraien lagunekin batera, Felipe Eizagirre liburuzainak aurkeztutako ekitaldian epaimahaiaren mezuak ikusi eta aditu zituzten, eta beraien ipuinekin sortutako bilduma jaso zuten. Bildumaren azalerako ilustrazioa Maore Tolosak egin du.
Aurtengo parte hartzea ikusi eta baloratuta, emandako lanen maila ona kontuan hartuz, lehiaketak datorren ikasturtean II. edizioa edukiko duela argi dago, hasi ba datorren urterako arkatzak zorrozten!
Argazkian lehiaketako partehartzaileak agiri dira, ekitaldiaren amaieran.
 

DBH4ko plastikako ikasleek egindako Stop Motionak

         

EGUTEGIA 2020-2021
             1  -  2

ORDUTEGIA 2020-2021